 |
|
11/05/2012م - 12:28 م | عدد القراء: 2787
يعبّاس الــــعذر لله مشيت ولا نشدتوني
(يرجى الضغط على الرابط أعلاه) التعليقات المنشورة لا تعبر بالضرورة عن رأي الموقعالتعليقات «3» |
|
|
11/05/2012م - 12:28 م | عدد القراء: 2787
يعبّاس الــــعذر لله مشيت ولا نشدتوني
(يرجى الضغط على الرابط أعلاه) التعليقات المنشورة لا تعبر بالضرورة عن رأي الموقعالتعليقات «3» |
ـــــــــــــــــــــ
نهض جاسم والزلم بجاها......... سمع زينب عمَّته ونخواها
ـــــــــــــــــــــ
بيده سيف الحسن لف عمامته ...... وامه من بين المخيم نادته
يطيح كبل حسين بالطف رادته........ وزينب الحره يكر عيناها
ــــــــــــــــــــــ
تكله عمتك هاي يبني مخدره....... وهاي تدري ربات جدك حيدره
زينب ابهالطف ييمه محيره....... وابد ماصارت مثل بلواها
ـــــــــــــــــــــ
اجت تتنخه ولاواحد معين....... يبني والعدوان حاطت بالحسين
وين عهد الحسن ياجسّام وين..... وصيَّت المسموم لاتنساها
ـــــــــــــــــــ
شبل هاشم من توسط كربله..... كال هذا اليوم يوم المرجله
طعم خله الزلم لوحوش الفله..... والخيول تحجلت بدماها
ـــــــــــــــــــ
صال والسيف بيمينه المايهاب...... بسيف جاسم نزلت آيات العذاب
تيهت عدوانه بالطف الصواب...... جفه كاس الموت مُر ساكاها
ــــــــــــــــــ
من سرايا الكفر لحدوده اعتنن....... طش جمعها وكال آنه ابن الحسن
فرَّق الروس اللعينه من البدن...... تنزف خيول وزلم خلاها
ــــــــــــــــ
روس وخيول وجثث فوك الترب...... يلوك لبن الحسن بس ثوب الحرب
دموم خله عيون عدوانه تصب...... سوه عمله الزمن ماينساها
ــــــــــــــــــــ
زلزل الفرسان وجموع الأجت...... زمرت ابن زياد من جاسم بجت
تحت سيفه الروس مرغومه انحنت..... وهاشم بجفه يرف الواها
ــــــــــــــــــ
يوم غدرت جاسم انذال العده....... عمه جابه ويم الاكبر مدده
جبد عمك ليش يبني تمرده...... وامك مصابك صدك أذاها
ــــــــــــــــ
رمله من عاينت جاسم هلهلت..... جفوفه للمظلوم والزينب وفت
للحسن بالصوت رمله توجهت...... وصيتك العريس هالوافاها
ـــــــــــــــــــ
الشاعر مسلم الربيعي/العراق /البصرة
اتمنى نشرها والتواصل عالى حب الحسين عليه السلام مع خالص عزائي وتحياتي
الامام العباس ع
يوم طاح الفحل سبع الكنطره........... حار بيش يقبـّـل جفوفه الثره
ـــــــــــــــــــ
ضم جسد عباس حيل ترابها......... كربله ومدري بمصابه شصابها
جنها ضربة حيدر بمحرابـــــها.......... والسمـــه وكاع الطفوف مكبره
ــــــــــــــــــ
خجل شاطي الماي من حسينها....... جثت ابو فاضل تطيح يمينها
ويسرته وسهم اللي صوب عينها....... هــالفرات الحال حيل امأثره
ـــــــــــــــــــ
شالت العباس كل كاع الطفـــوف....... حقها لوحنت على الزاح الصفوف
واحد العباس وكباله الألـــــــــــوف...... كــلب يمنت كونها اعله الميسره
ـــــــــــــــــــ
والله ماي العلكمي خلافك ضمه....... حل عليه الغضب من عالي السمه
خبط مايه وتارس جروفه الطــمه....... لبس عــــــــاره خلافك وبالذل جره
ـــــــــــــــــــ
عاين حسين اختفت رفت العلم....... زاد عالمعــــــــــصوم ياشيعه الألم
كال ابو فاضل ولاصدك ســــــــلم....... على مصابه حسين كلبه شصبره
ـــــــــــــــــــ
شالته الغيره اعله ابوفاضل واجاه....... شبل حيدر عــــــالترب نايم لكاه
شال راسه الحيد باحضانه وخذاه...... باسه والعبره بضـــــلوعه مكسره
ـــــــــــــــــــ
يوم طال غيـــــــــاب راعي الرايه....... عيـــــــلت حسين اعتنت شكايه
ليش شح عبــــــاس عنها بمايه...... مـــــــــــادرت بالحيد جثته مطبره
ــــــــــــــــــ
زينب تنادي الكمر حاميــــــــــها...... تريد ابـــــــــــــــو فاضل يعاود ليها
تعاتبه شلون العدو يبجيـــــــــها....... يرضه تمشي ويه الانذال ميسره
ــــــــــــــــــ
الشاعر مسلم الربيعي /العراق/ البصرة